1-louliki naar-a louli lalnouwum
लोलऽकि नारय ल्वलि ललऽनोवुम ।
मरनय म्वयस तः रूज़ऽस नः ज़रय ।
रंग रऽच़ ज़ाऽच़ऽय क्याह नः रंग होवुम ।
बो दपुन च़ोलुम क्याह सनः करय ।।
2-manas gray chaej paZhiki
मनस ग्राय च़ऽज्य पज्य़ुक अन ख्योम ।
तवऽकुय बल गोम कऽरमस क्रय ।
आगुर वाऽतिथ अमर्यथ ज़ल च्योम ।
शिव लयः मन गोम बऽरमस प्रय ।।
3-manas saeti man goundum
मनस सऽत्यी मन गोन्डुम ।
च्य़तस रऽटम च्व़पाॅय वग ।
प्रकृॅच़ सऽतिय प्वरूश नो वोलुम ।
सर म्ये कोरुम लऽबऽम वथ ।।
4-shae aasis tae shea cches
शे आऽसऽस तः शे छेस ।
लल बो पानय पानस छ्यस ।
नीरिथ गछ़ान तीलिथ यिवान ।
लल बो पानः दयी छ्स ।।